想太多,說太多

最近睇新聞睇 Facebook,撈埋 Comment 嚟睇,發現啲人諗嘢幾好笑。

有啲人咩都諗埋一邊,咩都上綱上線,同性戀就諗到自己想做嘅人獸交、聽地下音樂就諗到濫藥、性愛派對(地下音樂其實只係獨立樂隊囉好唔好)、夜歸就諗到啲人去蒲(凌晨 12 點被搶電話,有幾夜?IKEA 都收 11 點啦,有啲食肆收得仲夜)。

又,早排去香港文化博物館個羅浮宮展,人多就唔在講,但參觀嘅人七嘴八舌,以為見多識廣咁同自己嘅小朋友或者老婆講話,全程好似聲音導航咁。最難頂嘅係講還講,啲料仲要流嘅!咪話唔難頂。

anthony_van_dyck_saint_sebastian_martyrdom

好似上面呢張  Anthony van Dyck 嘅 Saint Sebastian Bound for Martyrdom,有家長看圖說故事就同個細路講:「後面嗰個男人用啲箭插死佢!」哇!用箭插死佢邊夠力,係都係用箭射死佢啦!(更何況 St Sebastian 畀箭射到刺猬咁都死唔去。)又,睇到一張張掛毯,又有好多聲音導航不斷話:「張掛地毯好靚吖!」「掛毯」就「掛毯」,點解會變咗「掛地毯」?

最嘔血嘅係欣賞 Dead of Nes-min 嘅時候,竟然有人大大聲話:「埃及嗰啲文字係象形文字嚟,啲魚蝦蟹嘅符號就代表咗佢哋想講嘅嘢。」好心啦,埃及聖書體(Hieroglyphs)表形、表音、表意都有,要學真係仲有 Course 可以讀。盲毛睇到一堆魚蝦蟹,就好似老外睇到啲中國字就當象形文字,然後自作聰明咁去解釋一樣。

少啲想當然,少啲講無謂嘢,多啲去睇吓啲有系統嘅研究,對成個社會都有啲益處。

二手書店結業,so?

13246020_10154052062530115_1039306450_n

位於新灣仔碼頭的二手書店將要結業,香港消費娛樂雜誌的專頁配上煽情語句,將消息公告天下。但又如何呢?這只是一盤生意,因經營不善,店東蝕本,決定在最後一天讓人幫忙清理倉存,事情本身就是這麼簡單。將自己的失敗包裝成感人故事,還希望人幫你清理倉存?「唔好玩啦老細。」

首先睇吓間鋪嘅起源:

溫先生喺幾年前去廢紙工場搵朋友,點知見到一大批書畀人棄置。佢唔忍心新書變廢紙,於是買晒所有書,仲講明以後有書送到去廢紙工場嘅話,佢全部包起。

在 2016 年,書籍是廉價消費品,說白一點,目不識丁的都可以成為作家,只要肯參與出版社那些甚麼自薦作家計劃,都可以成為作家。賣不出的書,返回貨倉成為倉底貨,之後出版社可以嘗試以不同渠道推廣、促銷,但要是再賣不出的話就會成為貨倉的負累,成為經營成本的負擔。有云:「舊嘅唔去,新嘅唔嚟」,將貨倉內的存貨銷毀是無可厚非。溫先生是「有心人」,有熱血,有熱忱,認為他可以把書籍賣出,於是買下這些要銷毀的書並將書籍放在店內售賣。這是他的商業決定,但不要忘記現在不是每本書都有它的價值,因為成為作家的門檻太低,市場已經告訴你那些書是廢物。

二手書店在新灣仔碼頭開業,可以算是一個有人流的地方。但問題他做的生意是賣書,除非是買漫畫、雜誌,否則買一本書絕不是一個輕易能下的決定。碼頭連接着灣仔與尖沙咀,人流都是通勤中的人,一個日程接下一個日程,哪有時間、哪有閒情逸致去看你賣的二手書?那個店鋪位置,如果賣 FMCG(Fast-moving Consumer Goods 快速消費品),例如可樂、薯片、報紙、雜誌,甚至爆谷都相當合適,但絕對不會是二☆手☆書。難道老闆以為在通勤的人會突然停下繁忙的腳步,進去看他收集回來的廢物書籍?

曾經過灣仔碼頭,看到店內陳設的混亂程度,覺得與農曆新年期間在鴨寮街擺賣啲破爛攤差不多。在二手書店找書本身已是如同碰運氣或尋寶的事,試問你想在垃圾堆中找東西比較舒服,還是一個陳列整齊的地方較為舒服?

24126890242_bc08867696_k

前往靖國神社路上的古書店

遊覽東京時,沿著經過靖國通り漫步至靖國神社,路上看到不少古書店。店鋪的櫥窗放著一些令人眼前一亮的書籍,或許是某套交響樂的樂譜,或許是一些經典名著。用這些精品吸引途人的目光,再望進店內,只見整齊的書櫃分門別類地陳列著不同類型的書籍,就像歡迎著人進去參觀。

說到底,這間書店是因經營不善而倒閉,實在死不足惜,不應扯到什麼文化、甚麼閱讀風氣低下,甚至用「網絡上甚麼都有」做藉口。

分析EF EPI 數據及淺談香港的英語水平

Examination by  Efti Hia, https://flic.kr/p/ofqmsd

Examination by Efti Hia, https://flic.kr/p/ofqmsd

English First(EF)剛剛又公佈了他們的英語能力指標(EPI),一如過往的報導,香港傳媒集中數據內的「驚世發現」——「港英語水平全球排33 差過越南(蘋果日報,2015)」。標題聳人聽聞,但這個調查究竟是否客觀、中立、有代表性?這點相當值得質疑。

根據 EF EPI 的網站,2014 年度的數據來自全球70個國家、91萬個樣本,單看這兩個數字,好像相當全面,相當有代表性。但實際上他們採集樣本的方法有點偏頗,91萬個樣本內,只有 26 000 多個樣本來自網絡公開測試,其他都是針對 EF 入學學生的測試。換句話說,不足 3% 的應試者是隨機參與測試,超過 97% 是有意進修英語,或者準確點說,是有意參加 EF 的課程進修英語的人士(《關於 EPI——調查方法》,EF,2015)。即使進行調查的機構也認同這種取樣方法屬應試者的自我選擇,不一定能代表整個國家,有可能拉低或拉高了整體成績(《關於 EPI——應試者》,EF,2015)。

香港學生大多從幼稚園開始接觸英語,經過小學、中學甚至大學教育,大概能累積一定水平。自2002年起,大學教育資助委員會亦推出了統一英語水平評核計劃,讓大學畢業生免費參與國際英語測試系統(IELTS Academic)考試,在 2013/14 年畢業生平均能考獲 6.76 分的佳績(大學教育資助委員會,2014)。6.76 分,代表應試者介乎 Good user 與 Competent User 之間,即英語相當接近足以溝通的水平,在某些場合間中有失誤或不精準的情況,但整體來說可以應付頗為複雜的語言及理解精細的論證(英國文化協會,2015)。除了大學生外,一些考慮前往外國升學的學生或在職人士也會參與考試,根據 IELTS 官方在 2014 年提供的資料,香港應考 IELTS 的人平均也有 6.4 分(IELTS, 2014)。即使是讓準備去英語國家升讀中學、工作或移民用的 IELTS General Training 測試,香港人也能考獲 6.4 分的成績(IELTS, 2014)。相反,在 EF 排行榜中居於香港之前的越南、中國大陸、台灣和日本,在 IELTS General Training 的成績分別只有 6、6、5.8 和 5.6 分。

不論是 EF 的調查還是 IELTS 測驗的結果,他們的數據都是來自自願參與測試的人,而非採用隨機抽樣方式揀選應試者參與測試,數據難免偏頗。不少朋友在日常工作中都會接觸外國客戶或同事,在使用英文溝通時感到自己技不如人而自慚形穢,尤其是對比新加坡、馬來西亞人,即使覺得他們口音怪怪的,但總算能用英文表達自己所思所想。但我們絕對不能忘記對星加坡人來說,英文是他們主要語言,可以算是他們的母語(First Language)。而且星加坡、馬來西亞等都是多民族國家,需要使用英語與不同民族的人溝通,平日多說多用多聽,自然能用來表達自己的所思所想。在香港我們大部分時間都說中文,閱讀、書寫或說英文的時候甚少,日久生疏,要用的時候自然會顯得力不從心。要純熟地使用一門語言,多聽、多讀、多說、多寫是不二法門,聽、讀、寫不難,看電視、讀新聞、讀電郵都可以,至於如何多說?或許可以從 Hey Siri 或 OK Google 開始(笑)。

HKTV 超市的性別定型

HKTV

HKTV 在港鐵各站大賣廣告,終於吸引到我上他們的網站看看。貨品的價錢,還可以啦。但看到這個分類,眉頭一皺。

為什麼男孩天地就是遙控飛機、遙控車、四驅車?女孩天地就是洋娃娃、手抱毛公仔?為什麼他們要做這樣的分類?為什麼不能簡稱兒童玩具?

這樣的分類跟男仔就藍色、女仔就粉紅色有什麼分別?為什麼 2015 年還有這樣的 Gender Stereotype 存在?

如何遠離 Facebook 避靜

有一個 Facebook 谷嘅唯一一個 admin 話自己好忙,於是 deactivate Facebook 幾日話要專心工作,轉頭返嚟就話個谷畀人偷咗。

誰是誰非,不在此論斷。但一個常識問題:為什麼要避靜,就要 Deactivate Facebook account?

Screen Shot 2015-07-19 at 8.19.30 pm

首先,Facebook 有個功能,叫 Log Out。你響電腦、電話 Log Out 晒,自然收唔到來自 Facebook 嘅 Notifications。響電腦、電話 Log Out 咗 Facebook,剷埋 App,基本上都同脫離 Facebook 冇乜分別。

Screen Shot 2015-07-19 at 8.42.07 pm

如果硬係覺得有鋪 Facebook 癮,唔上唔安樂,再絕 D 可以上 https://www.opendns.com block 埋 Facebook,之後套用落自家嘅電腦、router 度。咁就算你拎住部筆記簿電腦去公共 WiFi,都一樣上唔到 Facebook。

如果咁都做唔到嘢,我覺得你應該放棄治療,或者一個人去啲上唔到網嘅國度,探索「人生的意義」是否在乎 Facebook。

P.S. 某些人處理的手法很難看,這是另一回事。我這篇文章是給大家提醒一下,遠離 Facebook 有好多方法,唔需要 Deactivate Account,因為咁樣同自殺冇咩分別。

An Apple Watch Dock with LEGO #76029

IMG_5883

Spent a few hours earlier and built this, an Apple Watch Dock with bricks from LEGO Set #76029 – Iron Man vs. Ultron. One of the biggest problems I had to solve when building it was the way to fix the MagSafe charger on the bricks without cheating (using tapes or glue), luckily there were enough bricks in #76029 for me to tackle the issue.

Why #76029 – Iron Man vs. Ultron instead of other sets? It’s affordable! $12.99 (less than HKD150) for 92 bricks. It includes 4 Minifigures, and it’s IRON MAN!!!

Please see the >>PDF Guide<< if you would like to build one for yourself.

無題

命運的歧點,往往出現了而不自知,
每一個選擇,就像把石頭投入湖水,
令水面泛起接連不斷的漣漪。

昨天的事,究竟如何影響今天?

去年的決定,又對今天有多大影響?

在單向流動的時間裏,這一切無從稽考。

今天的每一個選擇都帶我們走向未知,
只能讓時間將未來的故事逐一攤開,
讓我們親自經歷一切。

「悔不當初」還是「沾沾自喜」
或許只是一步之隔,
未來的永遠是一個未知。